Tuesday, November 17, 2026
More

    Latest Posts

    இளையராஜா குறித்த கேள்வி – பதிலளிக்காமல் சென்ற வைரமுத்து

    எம்எஸ்வி-யா, கண்ணதாசனா என்ற கேள்விக்கு வெளிப்படையாக பதில் அளித்துள்ள வைரமுத்து, இளையராஜா குறித்த கேள்விக்கு பதிலளிக்காமல் தவிர்த்துள்ளார்.

    மதுரை வலையங்குளத்தில் நடந்த வணிகர் சங்க மாநாட்டில் பங்கேற்ற கவிஞர் வைரமுத்து, நிகழ்ச்சிக்குப் பின்னர் செய்தியாளர்களிடம் பேசினார். அப்போது, இளையராஜா குறித்து செய்தியாளர்கள் எழுப்பிய கேள்விகளுக்கு அவர் பதில் அளிக்காமல் தவிர்த்துவிட்டார். பின்னர், எம்எஸ்வி-யா, கண்ணதாசனா என்ற கேள்விக்கு, அவர்கள் இருவரும் உடலும், உயிரும் போல என பதில் அளித்தார்.

    தனது பாடல்களுக்கு காப்புரிமை கோரி இளையராஜா வழக்கு தொடர்ந்துள்ள நிலையில், பாடலுக்கு அவசியம் இசையா? மொழியா? என்ற விவாதம் எழுந்துள்ளது. இது குறித்து, திரைப்பட விழா ஒன்றில் பேசிய கவிஞர் வைரமுத்து, இசையும், மொழியும் சேர்ந்தது தான் பாடல் எனவும், இதை புரிந்தவர் ஞானி, புரியாதவர் அஞ்ஞானி என்று பேசியிருந்தார். இந்த சூழலில் இசைஞானி என அழைக்கப்படும் இளையராஜாவை குறிப்பிட்டு வைரமுத்து பேசினாரா என்ற விவாதம் எழுந்தது.

    இதற்கு எதிர் வினையாற்றிய இளையராஜாவின் சகோதரர் கங்கை அமரன், இளையராஜாவால் உயர்ந்தவர், நன்றி மறந்தவர், சுயகர்வம் மிக்கவர் என வைரமுத்துவை மிகக் கடுமையாக சாடினார். இந்த சூழலில், இசையா? மொழியா? என்ற விவாதத்தை மக்கள் பேசத் தொடங்கிவிட்டதால், இனி தான் பேசப்போவதில்லை என ஒரு சில நாட்களுக்கு முன் எக்ஸ் பக்கத்தில் வைரமுத்து தெரிவித்திருந்தார்.

    இசையமைப்பாளர் இளையராஜா – கவிஞர் வைரமுத்து குறித்த விவாதம் ஓயாத நிலையில், மெத்தப் படித்துவிட்டோம் என தற்புகழ்ச்சி கொள்ள வேண்டாம் என மறைந்த நடிகர் குமரிமுத்து பேசிய காணொலியை தனது எக்ஸ் பக்கத்தில் இசையமைப்பாளர் ஏ.ஆர்.ரஹ்மான் பகிர்ந்துள்ளார்.

    இளையராஜாவை மறைமுகமாக குறிப்பிட்டு, ஏ.ஆர்.ரஹ்மான் இந்த பதிவை பகிர்ந்துள்ளாரா என சமூக வளத்தலங்களில் மீண்டும் விவாதம் எழுந்துள்ளது.

    More News👇

    திடீரென மரணமடைந்த டைட்டானிக் நடிகர்!! அதிர்ச்சியில் ரசிகர்கள்

    மீண்டும் ஹிந்துவாக மாறிய இசையமைப்பாளர் ஜிப்ரான்!

    Latest Posts

    Don't Miss

    Stay in touch

    To be updated with all the latest news, offers and special announcements.