சினிமா நடிகைகளின் புகைப்படங்கள் என்றால் அவர்களது ஆடைகளைப் பற்றியும், அவர்கள் அணிந்திருக்கும் நகைகளைப் பற்றியும்தான் பேசுவார்கள். ஆனால், நடிகை சமந்தா அவர் கட்டியிருந்த வாட்ச் பற்றிப் பேச வைத்திருக்கிறார்.
சில தினங்களுக்கு முன்பு தனது இன்ஸ்டாவில் சில புகைப்படங்களைப் பகிர்ந்திருந்தார் சமந்தா. அதில் அவர் கட்டியிருந்த கைக்கடிகாரத்தின் மதிப்பு 70 லட்சம் ரூபாயாம். செர்பென்ட்டி ஸ்பிகா வாட்ச் என்ற அந்த கைக்கடிகாரத்தில் டயமண்ட் பதிக்கப்பட்டிருக்கிறதாம். பிரேஸ்லெட் போன்ற தோற்றத்தில் இருக்கும் வாட்ச் அது.
சில அரசியல் பிரபலங்கள் கட்டியுள்ள கைக்கடிகாரங்களின் மதிப்பு பற்றி சமீப காலங்களில் பேசப்பட்டது. இப்போது சினிமா பிரபலமான சமந்தாவின் வாட்ச் பேசுபொருளாகி உள்ளது. மாடலிங்கிற்காக சமந்தா கட்டியிருந்த வாட்ச்சா அல்லது அவருக்கு சொந்தமானதா என்பது இனிமேல்தான் தெரிய வரும்.
