இசைக்கு ராஜா, இசை கடவுள் என கொண்டாடப்படும் இசைஞானி இளையராஜாவின் 80வது பிறந்ததினம் இன்று. அரசியல் தலைவர்கள் முதல் சினிமா கலைஞர்கள் வரை பலரும் அவருக்கு வாழ்த்து தெரிவித்து வருகின்றனர். சமூகவலைதள பக்கம் சென்றால் இளையராஜாவுக்கு வாழ்த்து மழையும், அவரது பாடல் தொடர்பான விஷயங்கள் தான் அதிகம் இன்று டிரெண்ட் ஆகி வருகின்றன.
இந்நிலையில் இளையராஜாவிற்கு முதல்வர் ஸ்டாலின் நேரில் சென்று வாழ்த்து தெரிவித்துள்ளார். இளையராஜாவின் இல்லத்திற்கே சென்று அவருக்கு சால்வை அணிவித்து பூங்கொத்து கொடுத்து வாழ்த்தினார் முதல்வர் ஸ்டாலின். அவருடன் அமைச்சர்கள் கே.என்.நேரு மற்றும் பொன்முடி ஆகியோரும் உடன் சென்றனர்.
