லேடி சூப்பர் ஸ்டார் நயன்தாராவுக்கு இருக்கும் மார்க்கெட்டை வைத்து தமிழ் சினிமாவையே வளைத்து விடலாம் என பலரும் கூறி வந்தனர். அது இப்போது பொய்த்து போகும் அளவிற்கு ஒரு சம்பவம் நடந்துள்ளது. அதாவது நயன்தாரா தனது கணவர் விக்னேஷ் சிவனுக்கு அஜித் பட வாய்ப்பை பெற்று தந்தார்.
ஆனால் கடந்த சில நாட்களாக அஜித்தின் ஏகே 62 படத்தில் இருந்து விக்னேஷ் சிவன் விலகியதாக தகவல் வெளிவந்த வண்ணம் உள்ளது. இந்த படத்திற்காக வேறு இயக்குனர்களை லைக்கா நிறுவனம் தேர்வு செய்ய உள்ளதாக கூறப்படுகிறது. மேலும் இதற்கான அறிவிப்பும் விரைவில் வெளியாகும் என தெரிகிறது.
இப்போது நயன்தாரா ஏகே 62 படத்திலிருந்து விக்னேஷை தூக்க வேண்டாம் என்று லைக்கா மற்றும் அஜித்துக்கு தொலைபேசியில் தொடர்பு கொண்டு பேசியுள்ளார். அதுவும் லைக்காவிடம் இந்த வாய்ப்பை எப்படியாவது எங்களுக்கு கொடுங்கள் இல்லையென்றால் விக்னேஷ் சிவன் வாழ்க்கையே இருண்டு விடும் என்ற அளவுக்கு பேசி உள்ளாராம்.
அஜித் படத்திலிருந்து விக்னேஷ் சிவன் தூக்கப்பட்டார் என்ற விஷயம் வெளியில் தெரிந்தால் சோசியல் மீடியாவில் எங்களை ட்ரோல் செய்வார்கள் இதனால் நீங்கள் இந்த வாய்ப்பு மடும் தருமாறு கெஞ்சி கேட்டுள்ளார். ஆனால் லைக்கா நயன்தாரா பேசியதை பற்றி எதையுமே காதில் வாங்கவில்லையாம்.
மேலும் விக்னேஷ் சிவன் ஏகே 62 படத்தில் இருந்து தூக்குவதில் லைக்கா உறுதியாக இருப்பதாக தெரிகிறது. ஆகையால் மிகுந்த அப்செட் ஆன நயன்தாரா மற்றும் விக்னேஷ் சிவன் இருவரும் திருமண வாழ்க்கையில் முதல் பெரிய அடியை வாங்கியுள்ளார்கள் என தற்போது கோலிவுட் வட்டாரத்தில் பேசப்பட்ட வருகிறது.
ஏனென்றால் திருமணத்திற்கு பிறகு விக்னேஷ் சிவனுக்கு அடுத்தடுத்த பெரிய வாய்ப்புகள் கிடைத்து வந்தது. அதேபோல் தான் நயன்தாராவுக்கும் பாலிவுட்டில் ஷாருக்கானுக்கு ஜோடியாக ஜவான் படத்தில் நடித்து வருகிறார். இந்த சூழலில் யாரும் எதிர்பார்க்காத விதமாக விக்னேஷ் சிவனுக்கு அஜித் பட வாய்ப்பு பறிபோய் உள்ளது.
காரணம் என்ன?
விக்னேஷ் சிவன் அஜித்திடம் கதை சொல்லி உள்ளார். அந்தக் கதையை கேட்ட அஜித், இது தனக்கு பிடிக்கவில்லை என்று நேரடியாகவே விக்னேஷ் சிவனிடம் கூறியுள்ளார்.
ஆனால் அதையும் மீறி விக்னேஷ் சிவன் லண்டன் வரை சென்று தயாரிப்பாளரிடம் இதே கதையை கூறியுள்ளார். உடனே லைக்கா தயாரிப்பு நிறுவனம் இந்த கதையைக் கேட்டு அதிர்ச்சி அடைந்து, 8 மாதம் உங்களுக்கு கால் அவகாசம் கொடுத்து கதையை ரெடி பண்ண சொன்னால் இப்படி ஒரு குப்பை கதையை எடுத்து வந்துள்ளீர்களே என்று கூறியுள்ளார்கள்.
இவ்வாறு அஜித்துக்கு தெரியாமல் லண்டன் வரை சென்று விக்னேஷ் சிவன் அசிங்கப்பட்டுள்ளார். அதுமட்டுமின்றி எதார்த்தமாக அந்த சமயத்தில் அஜித்தும் லண்டன் சென்றுள்ளார். அப்போது லைக்கா நிறுவனம் அஜித்தை தனது தயாரிப்பு அலுவலகத்திற்கு அழைத்துள்ளது.
அதன் பின்னர் விக்னேஷ் சிவனை வரவழைத்து அஜித் மற்றும் லைக்கா இருவரும் சேர்ந்து இந்த படத்திற்கு நீங்கள் வேண்டாம் என முகத்துக்கு நேராகவே கூறிவிட்டனராம். இவ்வாறு மிகப்பெரிய ஹீரோ மற்றும் தயாரிப்பாளர் கிடைத்தும் விக்னேஷ் சிவன் அலட்சியமாக இந்த வாய்ப்பை இழந்து விட்டார் என கோலிவுட் வட்டாரத்தில் பேசப்படுகிறது.
